သင့်ကို အလျှင်အမြန် ဝိတ်ကျစေမယ့် တန်ဖိုးနည်း အစားအစာ (၁၀) မျိုး
ဝိတ်ကျရင်ပိုကြည့်ကောင်းတယ်ဆိုပြီး အချို့လူများ ယုံကြည်ကြတာကြောင့် ဝိတ်ကျဖို့အတွက်နဲ့ ကျန်းမာရေးကောင်းဖို့အတွက် လေ့ကျင့်ခန်းများ ပြုလုပ်ကြပါတယ်။ဒါကြောင့် အစားအစာထိန်းခြင်းထက် လှုပ်ရှားလေ့ကျင့်ခန်းများ ပြုလုပ်ပြီး ကယ်လိုရီလောင်ကျွမ်းဖို့ ပိုအားသန်လာကြပါတယ်။
လေ့ကျင့်ရေးထရိန်နာနဲ့ အဟာရကျွမ်းကျင်ပညာရှင်တစ်ဦးက ခန္ဓာကိုယ်အဆီကျရန်အတွက် အစားအစာက ၈၀ ရာခိုင်နှုန်းအရေးပါပြီး လေ့ကျင့်ခန်းက ၂၀ ရာခိုင်နှုန်းသာရှိကြောင်း ရှင်းပြခဲ့ပါတယ်။ဒါဟာ ချွေးထွက်တဲ့အထိ လေ့ကျင့်ခန်းမလုပ်ချင်တဲ့ သူတွေအတွက်တော့ ဝမ်းသာစရာပါပဲ။
သင့်တင့်တဲ့အဆီဓာတ်ရရှိဖို့ ပရိုတိန်းဓာတ်ပါဝင်တဲ့ အစားအစာ ၁၀ မျိုးရှိပြီး လျင်မြန်စွာအဆီကျစေဖို့ စားသင့်တဲ့ အစားအသောက်တွေကိုရှာဖွေဖော်ပြပေးလိုက်ပါတယ်နော်။
(၁) ကြက်ဥအကာ
ကြက်ဥအနှစ်က အဆီဓာတ်အများစုပါဝင်ပြီး ကြက်ဥအကာကတော့ ပရိုတိန်းဓာတ်များစွာ ပါဝင်ပါတယ်။
(၂) အဆီအနှစ်ထုတ်ထားသောနို့
အဆီအနှစ်ထုတ်ထားတဲ့နို့က ကယ်လိုရီနည်းပါးစွာပါဝင်ပြီး ကယ်လ်စီယမ်၊ ဗိုက်တာမင်-ဘီ၊ ပိုတက်ဆီယမ်တို့ ကြွယ်ဝစွာပါဝင်ပါတယ်။
(၃) ပဲစင်းငုံ
သက်သက်လွတ်စားသုံးသူတွေက ပရိုတိန်းဓာတ်ရရှိဖို့ ခက်ခဲပေမယ့် ပဲစင်းငုံကတော့ ပရိုတိန်းဓာတ်ပေးနိုင်ပြီး သံဓာတ်လည်းပေးစွမ်းနိုင်ပါတယ်။
(၄) အဖြူရောင်ငါး
ဆော်လ်မွန်ငါးမျိုးနဲ့ယှဉ်ပါက အဖြူရောင်ငါးတွေမှာ အဆီပါဝင်မှုနည်းပါးပြီး ပရိုတိန်းဓာတ်ရရှိစေပါတယ်။
(၅) ပဲပြုတ်
အမျှင်ဓာတ်ပြည့်ဝစွာ ပါဝင်ပြီး အစာခံတဲ့အစားအစာဖြစ်ပါတယ်။
(၆) ဝက်မိုးခိုသား
ချက်ပြုတ်တာထက်စာရင် ကင်စားတာကို အကြံပြုချင်ပြီး ချက်ပြုတ်တဲ့အခါမှာလည်း အဆီပိုတွေထွက်သွားအောင် ဂရုစိုက်သင့်ပါတယ်။
(၇) ပဲပြား
အဆီဓာတ်နည်းပြီး ပရိုတိန်းကြွယ်ဝတဲ့ ပဲပြားဟာ ကြွက်သားတည်ဆောက်မှုကို အားပေးပါတယ်။
(၈) ဒိန်ချဉ်
အမျိုးအစား များစွာရှိတဲ့ ဒိန်ချဉ်တွေမှာ ကယ်လိုရီ နည်းပါးပြီး ပရိုတိန်းပြည့်ဝစွာ ပါဝင်ပါတယ်။
(၉) ပုစွန်
ပရိုတိန်းပြည့်ဝတဲ့နောက်တစ်မျိုးကတော့ ပုစွန်ဖြစ်ပြီး ဗိုက်တာမင်-ဘီ ၁၂ ကြွယ်ဝစွာ ပါဝင်ကာ အားအင်ကုန်ခမ်းခြင်းကို သက်သာစေပါတယ်။
(၁၀) ဟင်းနုနွယ်ရွက်
ဟင်းနုနွယ်ကလည်း ကယ်လိုရီနည်းပါးပြီး ပရိုတိန်းမြင့်မားစွာ ပါဝင်ကာ ကျန်းမာရေးကောင်းကျိုးအမျိုးမျိုးရရှိစေနိုင်ပါတယ်လို့ ရှင်းပြသွားပါတယ်။