အိမ်တောင်မပြန်ဘဲ စက်ရုံမှာ အိပ်ပြီး အလုပ်လုပ်ပေးသူ ဝန်ထမ်းကို အလုပ်က ထုတ်ပယ်လိုက်တဲ့ Telsa ကုမ္ပဏီ
ထုတ်လုပ်မှုပိုင်းမှာ လျာထားချက် ပြည့်မီဖို့အတွက် အိမ်တောင် မပြန်ဘဲ စက်ရုံမှာ နေ၊ စက်ရုံမှာ အိပ်ပြီး အလုပ်လုပ်ခဲ့တဲ့ သစ္စာရှိ ဝန်ထမ်းတွေကို အီလွန်မက်စ်ရဲ့ Tesla ကုမ္ပဏီက အလုပ်မှ ရပ်နားပစ်ခဲ့ပါတယ်။
အမေရိကန်နိုင်ငံ၊ ကယ်လီဖိုးနီးယားပြည်နယ်၊ ဖရီမွန့်မြို့ စက်ရုံမှာ အလုပ်လုပ်တဲ့ နီကိုမူရီလိုဟာ အလုပ်အသွားအပြန် အချိန် ၁ နာရီခွဲကြာ ပေးရတဲ့အတွက် အိမ်မပြန်ဘဲ စက်ရုံ ကားပါကင်မှ ကားထဲမှာ အိပ်စက်လေ့ရှိသူပါ။
သူက စက်ရုံမှာပဲ ရေချိုး၊ စက်ရုံမှာပဲ ချက်ပြုတ်စားသောက်ပြီး ထုတ်လုပ်မှုပိုင်း လျာထားချက် ပြည့်မီအောင် ကြိုးစားတဲ့ ဝန်ထမ်းတစ်ဦး ဖြစ်ပါတယ်။
ဒါပေမဲ့ ပြီးခဲ့တဲ့ ဧပြီလ ၁၅ ရက်မှာတော့ သူ့ရဲ့ကုမ္ပဏီအကောင့်ကို ဝင်မရလို့ အံ့အားသင့်နေတုန်း အီးမေးလ် ဝင်လာလို့ ကြည့်လိုက်ချိန်မှာ အလုပ် ရပ်နားခံခဲ့ရကြောင်း သိခဲ့ရတာပါ။ မူရီလိုအပါအဝင် ကမ္ဘာတစ်ဝန်းမှာရှိတဲ့ Tesla ကုမ္ပဏီဝန်ထမ်းပေါင်း ၁၄၀၀၀ ကျော်လည်း အလုပ်မှ ရပ်နားခံခဲ့ရပါတယ်။
ဒီဖြစ်ရပ်ကြောင့် ကိုယ့်ဘဝရဲ့ တန်ဖိုးရှိတဲ့ အချိန်တွေ၊ မိသားစုဘဝတွေကို စတေးခံပြီး စာနာစိတ်မရှိတဲ့ အလုပ်ရှင်တွေအတွက် အားသွန်ခွန်စိုက် အလုပ်လုပ်သင့်ရဲ့လားဆိုတဲ့ မေးခွန်းထုတ်မှုတွေလည်း ပေါ်ပေါက်ခဲ့ပါတယ်။
ကမ္ဘာတစ်ဝန်းမှာ Tesla ကားတွေ ဝယ်လိုအား ကျဆင်းမှုကြုံနေပြီး ကုမ္ပဏီက ဝန်ထမ်းအများအပြားကို အလုပ်ကနေ ရပ်နားမှုတွေ ရင်ဆိုင်နေရတာဖြစ်ပါတယ်။ Tesla သည် ကမ္ဘာတဝှမ်းရှိ ၎င်းတို့ဝန်ထမ်းများထဲမှ ၁၀ ပုံ ၁ ပုံကို လျှော့ချမည်ဟု ကြေညာထားပါတယ်။