အင်္ဂလန် စွမ်းဆောင်ရည် မကောင်းလို့ ဝေဖန်ခံလာရတဲ့ မန်စီးတီး ကစားသမားများ
ဂါရက်ဆောက်ဂိတ် အနေနဲ့ ဆလိုဗက်ကီးယားနဲ့ ယူရို ရှုံးထွက်ပွဲစဉ်မှာ သူ့ရဲ့ အသင်းကို အပြောင်းအလဲ မဖြစ်မနေ လုပ်သွားရလိမ့်မယ်လို့ အင်္ဂလန်ဘောလုံးသုံးသပ်သူတွေ ထောက်ပြနေပါတယ်။
အင်္ဂလန်ဟာ အုပ်စုဗိုလ်နဲ့ ရှုံးထွက်အဆင့်ကို တက်လာခဲ့ပေမယ့်လည်း ခြေစွမ်းပိုင်းအရ ဝေဖန်မှုတွေ များစွာ ရရှိနေပါတယ်။ အလန်ရှီးယားကတော့ ပွဲပြီးခါနီးမှ ဝင်လာခဲ့တဲ့ ဂေါ်ဒွန်ကတောင် ဆာကာ ဖိုဒန် ကိန်း တို့ထက် ပွဲအပေါ် ပိုမို သက်ရောက်မှု ပေးနိုင်ကြောင်း ထောက်ပြခဲ့ပါတယ်။
ဆလိုဗက်ကီးယားပွဲအတွက်လည်း ရှီးယားက “ ဂါရက် အနေနဲ့ လာမည့် ပွဲစဉ်မှာ အပြောင်းအလဲတွေ လုပ်သွားရတော့မယ် ဆိုတာ ကတော့ လုံး၀ သံသယ ဖြစ်စရာ မရှိပါဘူး။ အထူးသဖြင့် ဘယ်ခြာ တောင်ပံ ၂ ဘက် နဲ့ ကွင်းလယ်ပိုင်းက တစ်နေရာမှာ ဖြစ်ပါတယ်။” လို့ တိုက်တွန်းခဲ့တယ်။
RTE သတင်းဌာနနဲ့ တွေ့ဆုံရာမှာ ဟာမန်း ကလည်း ” နာမည်ကြီး ကစားသမားတွေကို ဆက်သုံးပြီး ၊ သူတို့ မစွမ်းဆောင်ပြနိုင်တာကို ရှင်းရှင်းလင်းလင်း မြင်ရရင်တော့ သူတို့ကို အရန်ခုံ ပို့ဖို့ အကြောင်း ပေါ်လာပါပြီ ။ ဖိုဒန် ၊ ဘယ်လင်ဂမ်နဲ့ ကိန်းတို့ကို အရန်ခုံ ပို့ဖို့ အကြောင်း ဖန်လာပါပြီ ။ ” လို့ မှတ်ချက်ပေးပါတယ်။
အင်္ဂလန်ဘောလုံးဝေဖန်ရေးသမား ဂယ်ရီနဗီးကတော့ လာမယ့် ဆလိုဗက်ကီးယား အသင်းနဲ့ ယူရိုပြိုင်ပွဲမှာ ဝေါ်ကာကို ထုတ်ပြီး ထရန့်ထည့်ဖို့ တိုက်တွန်းခဲ့သေးတာ ဖြစ်ပါတယ်။