အရင်ပွဲတွေမှာ ချန်လှပ်ခဲ့တဲ့ ကွင်းလယ်သမားကို ပွဲထုတ်တော့မယ် ဆိုးရှား အတည်ပြု ပြောဆို

ယူနိုက်တက် နည်းပြဖြစ်သူ ဆိုးလ်ရှား ကတော့ ကိုရိုနာဗိုင်းရပ် ပြဿနာကြောင့် ပရီးမီးယားလိဂ်ပွဲတွေကို ရပ်နားထားရာကနေ ပြန်လည် ကျင်းပချိန်မှာ ကစားခဲ့ရတဲ့ စပါး အသင်း ၊ ရှက်ဖီးလ်ယူနိုက်တက် အသင်းတို့နဲ့ ယှဉ်ပြိုင် ကစားခဲ့ရတဲ့ ပွဲစဉ်နှစ်ပွဲမှာ မပါဝင်ခဲ့ရတဲ့ အသင်းရဲ့ ကွင်းလယ် တိုက်စစ် ကစားသမား လင်ဂတ်ဟာ ယနေ့ညမှာ ကစားမယ့် နောဝှစ်ချ် အသင်းနဲ့ အက်ဖ်အေဖလားပွဲစဉ်မှာ ပွဲထွက် လူစာရင်းကနေ ပါဝင်လာမှာဖြစ်ကြောင်း အတည်ပြု ပြောဆိုခဲ့ပါတယ်။

ယနေ့ည ၁၁နာရီအချိန်မှာ ကစားကြမယ့် နောဝှစ်ချ်အသင်းနဲ့ ယူနိုက်တက်တို့ရဲ့ အက်ဖ်အေ ဖလား ကွာတားဖိုင်နယ်ပွဲစဉ်ဟာ နောဝှစ်ချ် အသင်းရဲ့ အိမ်ကွင်းဖြစ်တဲ့ Carrow Road မှာ ယှဉ်ပြိုင် ကစားကြမှာ ဖြစ်ပြီး အဆိုပါပွဲစဉ် မှာတော့ မန်ယူအသင်းဟာ အနိုင်ရရှိမယ့်အသင်း အဖြစ် ရေပန်းစားလို့ နေပါတယ်။

ယူနိုက်တက် နည်းပြဖြစ်သူ ဆိုးလ်ရှား ကတော့ နောဝှစ်ချ်အသင်းနဲ့ ပွဲစဉ်မှာ ပြီးခဲ့တဲ့ ပရီးမီးယားလိဂ် ပွဲစဉ်နှစ်ပွဲမှာ မကစားခဲ့ရတဲ့ ကစားသမားတွေကို အဓိက ပွဲထုတ်သွားဖို့ ရှိပြီး လင်ဂတ်ကို ပွဲထွက်လူစာရင်းမှာ သုံးသွားမယ် လို့ အတည်ပြု ပြောကြားခဲ့ပါတယ်။

လင်ဂတ်ရဲ့ ပွဲထွက်ခွင့်နဲ့ပတ်သတ်ပြီး ဆိုးလ်ရှားက ” ဂျက်စီ လင်ဂတ်က ကျွန်တော်တို့ အသင်းအတွက် အရေးပါတဲ့ သွင်းဂိုးတွေကို သွင်းယူပေးခဲ့သလို အခုထိလည်း အသင်းရဲ့ အရေးကြီးတဲ့ ကစားသမားအဖြစ် ရှိနေဆဲပါ။ အနာဂတ်မှာ ဘာတွေ ဖြစ်လာမလဲဆိုတာကိုတော့ စောင့်ကြည့်ရမှာပါ။ ဒါပေမယ့် လက်ရှိမှာတော့ သူ့ကို ကြည့်ရတာ ပျော်ရွှင်နေပါတယ်။ Lockdown ကာလ ပြီးသွားတဲ့အချိန်မှာပဲ ဂျက်စီ(လင်ဂတ်) က အပြုံးတွေနဲ့အတူ ပြန်ရောက်လာခဲ့တဲ့ သူပါ။ ဒါပေမယ့် ပြီးခဲ့တဲ့ အပတ်ထဲမှာတော့ သူက အနည်းငယ် ဖျားနာခဲ့ပါတယ်။ အခုတော့ စမ်းသပ် စစ်ဆေးမှုတွေ ပြုလုပ်ပြီးပါပြီ။ ဒါ့ကြောင့် နောဝှစ်ချ်အသင်းနဲ့ပွဲမှာ သူ ပါဝင်လာမှာပါ။ ပွဲထွက် ကစားနိုင်ဖို့လည်း မျှော်လင့်ထားပါတယ် ” လို့ အတည်ပြုစကား ဆိုသွားခဲ့တာပါ။

ယူနိုက်တက်ဟာ နောဝှစ်ချ်အသင်းနဲ့ ပွဲမတိုင်မီမှာ စပါး အသင်း ၊ ရှက်ဖီးလ်အသင်းတို့နဲ့ ယှဉ်ပြိုင် ကစားခဲ့ရပြီး စပါးအသင်းကို အဝေးကွင်းမှာ သရေ ၊ ရှက်ဖီးလ် အသင်းကို အိမ်ကွင်းမှာ အနိုင်ရလဒ် စတဲ့ ရလဒ်ကောင်းတွေကို အရယူထားနိုင်ခဲ့ပါတယ်။

နောဝှစ်ချ် အသင်းဟာ ပရီးမီးယားလိဂ်မှာ အဆင့်၂၀ နေရာ ကို ရောက်ရှိနေတာကြောင့် တန်းမဆင်း ရဖို့ ရုန်းကန်နေရတဲ့ အသင်းတစ်သင်း ဖြစ်ပြီး လက်ရှိ အနေအထားမှာ အက်ဖ်အေဖလားမှာ နောက်တစ်ဆင့် တက်ဖို့ထက် ပရီးမီးယားလိဂ် မှာ တန်းတင်ကျန်ရစ်ဖို့က ပိုအရေးကြီးလို့ နေပါတယ်။ ဒါ့ကြောင့်လည်း ဘောလုံးသုံးသပ်သူ အများစုက ဒီနေ့ပွဲစဉ်မှာ မန်ယူအသင်းကသာ အသာစီးရသွားလိမ့်မယ်လို့ သုံးသပ်ထားခဲ့ကြပါတယ်။

Zawgyi – ယူနိုက္တက္ နည္းျပျဖစ္သူ ဆိုးလ္ရွား ကေတာ့ ကို႐ိုနာဗိုင္းရပ္ ျပႆနာေၾကာင့္ ပရီးမီးယားလိဂ္ပြဲေတြကို ရပ္နားထားရာကေန ျပန္လည္ က်င္းပခ်ိန္မွာ ကစားခဲ့ရတဲ့ စပါး အသင္း ၊ ရွက္ဖီးလ္ယူႏိုက္တက္ အသင္းတို႔နဲ႔ ယွဥ္ၿပိဳင္ ကစားခဲ့ရတဲ့ ပြဲစဥ္ႏွစ္ပြဲမွာ မပါဝင္ခဲ့ရတဲ့ အသင္းရဲ႕ ကြင္းလယ္ တိုက္စစ္ ကစားသမား လင္ဂတ္ဟာ ယေန႔ညမွာ ကစားမယ့္ ေနာဝွစ္ခ်္ အသင္းနဲ႔ အက္ဖ္ေအဖလားပြဲစဥ္မွာ ပြဲထြက္ လူစာရင္းကေန ပါဝင္လာမွာျဖစ္ေၾကာင္း အတည္ျပဳ ေျပာဆိုခဲ့ပါတယ္။

ယေန႔ည ၁၁နာရီအခ်ိန္မွာ ကစားၾကမယ့္ ေနာဝွစ္ခ်္အသင္းနဲ႔ ယူနိုက္တက္တို႔ရဲ႕ အက္ဖ္ေအ ဖလား ကြာတားဖိုင္နယ္ပြဲစဥ္ဟာ ေနာဝွစ္ခ်္ အသင္းရဲ႕ အိမ္ကြင္းျဖစ္တဲ့ Carrow Road မွာ ယွဥ္ၿပိဳင္ ကစားၾကမွာ ျဖစ္ၿပီး အဆိုပါပြဲစဥ္ မွာေတာ့ မန္ယူအသင္းဟာ အႏိုင္ရရွိမယ့္အသင္း အျဖစ္ ေရပန္းစားလို႔ ေနပါတယ္။

ယူနိုက္တက္ နည္းျပျဖစ္သူ ဆိုးလ္ရွား ကေတာ့ ေနာဝွစ္ခ်္အသင္းနဲ႔ ပြဲစဥ္မွာ ၿပီးခဲ့တဲ့ ပရီးမီးယားလိဂ္ ပြဲစဥ္ႏွစ္ပြဲမွာ မကစားခဲ့ရတဲ့ ကစားသမားေတြကို အဓိက ပြဲထုတ္သြားဖို႔ ရွိၿပီး လင္ဂတ္ကို ပြဲထြက္လူစာရင္းမွာ သုံးသြားမယ္ လို႔ အတည္ျပဳ ေျပာၾကားခဲ့ပါတယ္။

လင္ဂတ္ရဲ႕ ပြဲထြက္ခြင့္နဲ႔ပတ္သတ္ၿပီး ဆိုးလ္ရွားက ” ဂ်က္စီ လင္ဂတ္က ကြၽန္ေတာ္တို႔ အသင္းအတြက္ အေရးပါတဲ့ သြင္းဂိုးေတြကို သြင္းယူေပးခဲ့သလို အခုထိလည္း အသင္းရဲ႕ အေရးႀကီးတဲ့ ကစားသမားအျဖစ္ ရွိေနဆဲပါ။ အနာဂတ္မွာ ဘာေတြ ျဖစ္လာမလဲဆိုတာကိုေတာ့ ေစာင့္ၾကည့္ရမွာပါ။ ဒါေပမယ့္ လက္ရွိမွာေတာ့ သူ႔ကို ၾကည့္ရတာ ေပ်ာ္႐ႊင္ေနပါတယ္။ Lockdown ကာလ ၿပီးသြားတဲ့အခ်ိန္မွာပဲ ဂ်က္စီ(လင္ဂတ္) က အၿပဳံးေတြနဲ႔အတူ ျပန္ေရာက္လာခဲ့တဲ့ သူပါ။ ဒါေပမယ့္ ၿပီးခဲ့တဲ့ အပတ္ထဲမွာေတာ့ သူက အနည္းငယ္ ဖ်ားနာခဲ့ပါတယ္။ အခုေတာ့ စမ္းသပ္ စစ္ေဆးမႈေတြ ျပဳလုပ္ၿပီးပါၿပီ။ ဒါ့ေၾကာင့္ ေနာဝွစ္ခ်္အသင္းနဲ႔ပြဲမွာ သူ ပါဝင္လာမွာပါ။ ပြဲထြက္ ကစားႏိုင္ဖို႔လည္း ေမွ်ာ္လင့္ထားပါတယ္ ” လို႔ အတည္ျပဳစကား ဆိုသြားခဲ့တာပါ။

ယူနိုက္တက္ဟာ ေနာဝွစ္ခ်္အသင္းနဲ႔ ပြဲမတိုင္မီမွာ စပါး အသင္း ၊ ရွက္ဖီးလ္အသင္းတို႔နဲ႔ ယွဥ္ၿပိဳင္ ကစားခဲ့ရၿပီး စပါးအသင္းကို အေဝးကြင္းမွာ သေရ ၊ ရွက္ဖီးလ္ အသင္းကို အိမ္ကြင္းမွာ အႏိုင္ရလဒ္ စတဲ့ ရလဒ္ေကာင္းေတြကို အရယူထားႏိုင္ခဲ့ပါတယ္။

ေနာဝွစ္ခ်္ အသင္းဟာ ပရီးမီးယားလိဂ္မွာ အဆင့္၂၀ ေနရာ ကို ေရာက္ရွိေနတာေၾကာင့္ တန္းမဆင္း ရဖို႔ ႐ုန္းကန္ေနရတဲ့ အသင္းတစ္သင္း ျဖစ္ၿပီး လက္ရွိ အေနအထားမွာ အက္ဖ္ေအဖလားမွာ ေနာက္တစ္ဆင့္ တက္ဖို႔ထက္ ပရီးမီးယားလိဂ္ မွာ တန္းတင္က်န္ရစ္ဖို႔က ပိုအေရးႀကီးလို႔ ေနပါတယ္။ ဒါ့ေၾကာင့္လည္း ေဘာလုံးသုံးသပ္သူ အမ်ားစုက ဒီေန႔ပြဲစဥ္မွာ မန္ယူအသင္းကသာ အသာစီးရသြားလိမ့္မယ္လို႔ သုံးသပ္ထားခဲ့ၾကပါတယ္။