ဘာနေဗြူးကွင်းမှာ မန်စီးတီးကို ပြန် အနိုင်ယူပြီး ဗိုလ်လုပွဲ တက်ပြမယ် ကြိမ်းဝါးလိုက်တဲ့ ဘန်ဇီမာ
အင်္ဂါနေ့ညရဲ့ ချန်ပီယံလိဂ် ပကျော့ပွဲစဉ်မှာ ရီးရဲလ်မက်ဒရစ်က မန်စီးတီးကို ၄-၃ ဆိုတဲ့ရလဒ်နဲ့ ရှုံးနိမ့်ခဲ့ပြီးနောက်မှာ ရီးရဲလ်ရဲ့ ဂိုးသွင်းရှင် ဘန်ဇီမာကတော့ ဖိုင်နယ်ရောက်နိုင်ဖို့ အတွက် ဒုကျော့ပွဲမှာ အံ့ဖွယ်တစ်ခုလုပ်လိမ့်မယ်လို့ ဆိုလိုက်ပါတယ်။
မန်စီးတီးဘက် နှစ်ဂိုးသွင်းခဲ့တဲ့ ဘန်ဇီမာ က – “ရှုံးတယ်ဆိုတာ ဘယ်တော့မှ မကောင်းပါဘူး။ အရေးအကြီးဆုံး ကတော့ ကျွန်တော်တို့ အဆုံးထိ လက်မလျှော့ဘူးဆိုတာပါပဲ။
အခု ကျွန်တော်တို့အိ မ်ကွင်းမှာ ကန်ရတော့မယ်။ ကျွန်တော်တို့ ပရိသတ်တွေ လုံးဝအပြည့်ဖြစ်နေပါလိမ့်မယ်။ အနိုင် ရအောင် အံ့ဖွယ်တစ်ခုကို ကျွန်တော်တို့ လုပ်ပြပါ လိမ့်မယ်”လို့ ပြောဆိုခဲ့ပါတယ်။
ရီးရဲလ်တို့ရဲ့ အိမ်ကွင်း ဘာနေဗြူးကွင်း ဟာ သူတို့အတွက် ထူးခြားလှတဲ့ကွင်းဆိုလည်း ဟုတ်ပါတယ်။ သူတို့ဟာ ပီအက်စ်ဂျီ အိမ်ကွင်းမှာ ၁-၀ နဲ့ရှုံးနိမ့်ခဲ့ပေမဲ့ သူတို့ အိမ်ကွင်းမှာတော့ ၃-၁ နဲ့ကို ပြန်လည် အနိုင်ရခဲ့တာဖြစ်ပါတယ်။
ချဲလ်ဆီးနဲ့ဒုကျော့ပွဲသူတို့ အိမ်ကွင်းမှာလည်း အချိန်ပို နာရီဝက်မှာ ဘန်ဇီးမား ၁ ဂိုးသွင်းယူခဲ့တာကြောင့် နှစ်ကျော့ပေါင်း ၅-၄ ဆိုတဲ့ရလဒ်နဲ့ အနိုင်ရခဲ့ပြန်ပါတယ်။
ချန်ပီယံလိဂ်မှာ ရီးရဲလ်မက်ဒရစ် ဆက်လက် တင်ကျန်နေအောင် သွင်းဂိုးတွေနဲ့ အဓိက ကူညီပေးနေတဲ့ ဘန်ဇီမာက မန်စီးတီးနဲ့ပွဲမှာ ၂ ဂိုး သွင်းနိုင်ခဲ့ပြီဖြစ်တာကြောင့် ဒီရာသီ ချန်ပီယံလိဂ်သွင်းဂိုး ၁၄ ဂိုးတောင် ရှိနေခဲ့ပါပြီ။