ဘယ်လ်ဂျီယံသားကို ရောင်းလိုက်ခြင်း၊ ဘာစီလိုနာသွားမယ့် ဘာနာဒိုနဲ့ နောက်ဆုံးရ မန်စီးတီး သတင်းတိုများ

မန်စီးတီး ကွင်းလယ်လူ ဘာနာဒိုဆေးလ်ဗား ဟာ ဘာစီလိုနာကို ပြောင်းရွှေ့ဖို့ သဘောတူညီမှု ရရှိခဲ့ပြီဖြစ်တယ်လို့ စပိန်သတင်းဋ္ဌာန Sport က ဖော်ပြခဲ့ပါတယ်။ ဘာနာဒိုဆေးလ်ဗားဟာ ပြီးခဲ့တဲ့နွေရာသီကတည်းက မန်စီးတီးကနေ ထွက်ခွာချင်ခဲ့တာဖြစ်ပြီး ဘာစီလိုနာကို ပြောင်းရွှေ့လိုနေတာပါ။

မန်စီးတီးကွင်းလယ်ဖန်တီးရှင် ဒီဘရိုင်းနဲ့ လီဗာပူးနောက်ခံလူ ဗန်ဒိုက်ချ်တို့ဟာ အားလပ်ရက်အတွင်း lbiza ကမ်းခြေမှာ Dance Party တစ်ခုမှာ ပျော်ပျော်ပါးပါးအတူရှိနေကြပါတယ်။ ပရီးမီးယားလိဂ်ရဲ့ ပြိုင်ဘက်တွေဖြစ်ပေမဲ့ ကွင်းပြင် တစ်ခဏမှာ ပြိုင်ဘက်ဆိုတာ မေ့ထားပြီး အတူရှိနေကြတဲ့ သူတို့ရဲ့ ပုံရိပ်တွေကို ပရိသတ်တွေကလည်း သဘောကျခဲ့ကြပါတယ်။

ဆောက်သမ်တန်အသင်းဟာ မန်ချက်စတာစီးတီးအသင်းရဲ့ ဘယ်လ်ဂျီယံ လူငယ် ကွင်းလယ် ကစားသမားလေး ရိုမီအိုလာဗီယာကို ကာလရှည် စာချုပ်တစ်ရပ်နဲ့ ခေါ်ယူနိုင်ခဲ့ပြီဖြစ်ပြီး မန်စီးတီးဘက်ကတော့ သူတို့ ကစားသမားလေးကို တစ်ချိန်ချိန်မှာ အသင်းဆီ ပြန်လည်ခေါ်ဆောင်နိုင်မယ့် buyback စာချုပ်ကိုလည်း ထည့်သွင်းခဲ့တယ်လို့ သိရပါတယ်။

ဘရာဇီးတိုက်စစ်မှူး ဂျေဇူးအနေနဲ့ အာဆင်နယ်မှာ ကစားမားဘ၀ နောက်တစ်ဆင့်ကို တက်လှမ်းနိုင်မှာဖြစ်ကြောင်း၊ အာဆင်နယ်ဟာ ဖန်တီးမှုများစွာ ပြုလုပ်နိုင်တဲ့ အသင်းဖြစ်လို့ ဂျေဇူးအနေနဲ့ ဂိုးများစွာ သွင်းယူနိုင်မှာဖြစ်ကြောင်း
ဘောလုံးဝေဖန်သူအဖြစ်ဆောင်ရွက်နေတဲ့ ပတ်ဒီကင်နီက မှတ်ချက်ပြုခဲ့ပါတယ်။

မန်စီးတီးတိုက်စစ်ကစားသမား စတာလင်ဟာ သူ နေထိုင်ရာနေအိမ်ကို လီဗာပူး ညာနောက်ခံလူ အာနိုးလ်ထံ ရောင်းချဖို့ ဈေးနှုန်းညှိနှိုင်းမှုတွေ ပြုလုပ်နေတယ်လို့ သိရှိရပါတယ်။ အဆိုပါ အင်္ဂလန်တောင်ပံကစားသမားဟာ ချဲလ်ဆီးကို ပြောင်းရွှေ့ဖို့ သတင်းထွက်နေတာပါ။

မန်ချက်စတာ စီးတီးဟာ ဘိုင်ယန်မြူးနစ် တိုက်စစ်သမား ဂနာဘီကို ခေါ်ယူရေး ပရီးမီးယားလိဂ် ကလပ်တွေနဲ့ ပြိုင်ဆိုင်ဖို့ အဆင်သင့် ရှိနေပါတယ်။ ဂနာဘီ ကို မန်ယူကလည်း ချိတ်ဆက်နေတာပါ။