စီးတီးရဲ့ ကာရာဘောင်း ပြိုင်ဘက်၊ အကောင်းဆုံး အသင်းဝင် ၅ ဦး၊ နူးနက်စ်၊ ပါးလ်မားတို့နဲ့ နောက်ဆုံးရ မန်စီးတီး သတင်းများ စုစည်းမှု
မန်စီးတီး အသင်းဟာ ကာရာဘောင်း ဖလား တတိယအဆင့် ပွဲစဉ် မဲခွဲမှု မှာ နယူးကာဆယ် အသင်းနဲ့ တွေ့ဆုံနေပြီး အဝေးကွင်း သွားရောက် ရင်ဆိုင်ရဖို့ ရှိနေပါတယ်။
မန်စီးတီး အသင်းဟာ ဝုလ်ဗ်ကြယ်ပွင့် ကစားသမား နူနက်စ်ကို ပေါင် ၄၇ သန်းနဲ့ ခေါ်ယူဖို့ အခြေအနေ ကောင်းမွန်နေပြီး ပုဂ္ဂိုလ်ရေးအရ သဘောတူညီမှု ရယူနိုင်ခဲ့ပြီ ဖြစ်ကြောင်း သတင်းရရှိပါတယ်။
မန်စီးတီး လူငယ်ကွင်းလယ်ကစားသမား ကိုးလ် ပါးလ်မား ကို ချယ်ဆီး အသင်းက ပြောင်းရွှေ့ကြေး ပေါင် သန်း ၄၀ အပြင် အနာဂတ် ခံစားခွင့် ပေါင် ၅ သန်းကိုပါ ထပ်ဆောင်းပေးချေပြီး ခေါ်ယူဖို့ သဘောတူညီနိုင်ခဲ့ပြီလို့ သိရပါတယ်။
PFA ရဲ့ တစ်နှစ်တာ အကောင်းဆုံးအသင်းမှာ ဂွါဒီယိုလာရဲ့ မန်စီးတီး အသင်းသား ၅ ဦးအထိ ပါဝင် ရွေးချယ်ခံခဲ့ရ ပါတယ်။
PFA အကောင်းဆုံး အသင်းမှာ ဟာလန်းနဲ့ အတူ ရိုဒရီ၊ ကီဗင် ဒီဘရိုင်းနားတို့က ကွင်းလယ်မှာ ရွေးချယ်ခံခဲ့ရပြီး ခံစစ်မှာ ဂျွန် စတုန်းစ်နဲ့ ရူဘင် ဒီယက်စ်တို့ ပါဝင်ခဲ့တာဖြစ်သလို ဒုတိယနေရာရခဲ့တဲ့ အာဆင်နယ်ကစားသမား ၄ ဦးလည်း တစ်နှစ်တာအကောင်းဆုံးအသင်းမှာ ရွေးချယ်ခံခဲ့ရပါတယ်။
ဘာစီလိုနာ အသင်း ဟာ လာမယ့် ၂၄ နာရီအတွင်းမှာ မန်စီးတီး နောက်ခံလူ ကန်ဆယ်လို ကို ခေါ်ယူမှု အပြီးသတ် နိုင်ဖို့ လုပ်ဆောင် နေပါတယ်။
မန်ယူအသင်းရဲ့ လူငယ်ကြယ်ပွင့် နောက်ခံလူ ဒီဒန် မန်ဂီတစ်ယောက် ပရီးမီးယားလိဂ် တန်းတက် အသင်း လူတန်တောင်းထံ ပြောင်းရွှေ့ဖို့ နီးစပ်နေကြောင်း သတင်းရရှိပါတယ်။